മൊണാലിസയുടെ ഗുരുതര ആരോപണം: സംവിധായകൻ സനോജ് മിശ്രക്കെതിരെ ലൈംഗികാതിക്രമ ആരോപണം

സോഷ്യൽ മീഡിയ താരം മൊണാലിസ പ്രമുഖ സംവിധായകൻ സനോജ് മിശ്രക്കെതിരെ ഗുരുതരമായ ലൈംഗികാരോപണങ്ങൾ ഉന്നയിച്ചു. സിനിമാ ചിത്രീകരണത്തിനിടെ സംവിധായകൻ തന്നെ അനാവശ്യമായി സ്പർശിക്കുകയും പലതവണ ശരീരത്തിൽ കയറി പിടിക്കുകയും ചെയ്തുവെന്ന് മൊണാലിസ വാർത്താസമ്മേളനത്തിൽ വെളിപ്പെടുത്തി. സംഭവത്തെക്കുറിച്ച് സംസാരിക്കുമ്പോൾ താരം ക്യാമറകൾക്ക് മുന്നിൽ പൊട്ടിക്കരഞ്ഞതും ശ്രദ്ധേയമായി.

മൊണാലിസയുടെ വാക്കുകൾ പ്രകാരം, ചിത്രീകരണ സമയത്ത് പലതവണ അസ്വസ്ഥമായ അനുഭവങ്ങൾ നേരിടേണ്ടി വന്നതായി അവൾ പറഞ്ഞു. നേപ്പാളിലും ഡെറാഡൂണിലും ചിത്രീകരണം നടക്കുന്നതിനിടെ തന്നോട് മോശമായ രീതിയിൽ പെരുമാറിയതായും താരം ആരോപിച്ചു.

അതേസമയം, മൊണാലിസയുടെ ഭർത്താവും നടനുമായ ഫർമ്മാൻ ഖാൻ വിഷയത്തിൽ പ്രതികരിച്ചു. മുസ്‌ലിം ആയതിനാലാണ് ചിലർ തങ്ങളെ ലക്ഷ്യമിടുന്നതെന്നും അതുകൊണ്ടാണ് ആക്രമണം ഉണ്ടാകുന്നതെന്നും അദ്ദേഹം ആരോപിച്ചു.

2015ൽ എടുത്ത തന്റെ ആധാർ കാർഡ് പുറത്തുവിട്ടുകൊണ്ടാണ് മൊണാലിസ ആരോപണങ്ങൾക്ക് മറുപടി നൽകിയതും.

മൊണാലിസ അഭിനയിച്ച “ഡയറി ഓഫ് മണിപ്പൂർ” എന്ന ചിത്രത്തിന്റെ സംവിധായകനാണ് സനോജ് മിശ്ര. ഈ സിനിമയുടെ ചിത്രീകരണത്തിനിടെയാണ് ദുരനുഭവങ്ങൾ ഉണ്ടായതെന്ന് താരം പറഞ്ഞു.

കഴിഞ്ഞ ആഴ്ചയാണ് മൊണാലിസയും ഫർമ്മാൻ ഖാനും കേരളത്തിൽ വച്ച് വിവാഹിതരായത്. തിരുവനന്തപുരം ജില്ലയിലെ പൂവാറിന് സമീപമുള്ള അരുമാനൂർ നൈനാർ ക്ഷേത്രത്തിൽ വച്ചായിരുന്നു വിവാഹച്ചടങ്ങ്. ഗുരുദേവ പ്രതിഷ്ഠയ്ക്ക് മുമ്പിൽ നടന്ന ചടങ്ങിന് മേൽശാന്തി കണ്ണൻ പോറ്റി കാർമികത്വം വഹിച്ചു.

വിവാഹച്ചടങ്ങിൽ സിപിഐഎം സംസ്ഥാന സെക്രട്ടറി എം വി ഗോവിന്ദൻ, മന്ത്രി വി ശിവൻകുട്ടി, ജില്ലാ സെക്രട്ടറി വി ജോയ്, എംപി എ എ റഹിം എന്നിവർ പങ്കെടുത്തു.

വിവാഹത്തിനു ശേഷം പ്രതികരിച്ച മൊണാലിസയും ഫർമ്മാൻ ഖാനും, കേരളം വളരെ നല്ല സ്ഥലമാണെന്നും ഇവിടെ ഉള്ളവർ നല്ല മനസ്സുള്ള ആളുകളാണെന്നും അഭിപ്രായപ്പെട്ടു.

ഇപ്പോൾ മൊണാലിസ ഉന്നയിച്ച ലൈംഗികാരോപണങ്ങൾ സിനിമാ മേഖലയിലും സോഷ്യൽ മീഡിയയിലും വലിയ ചര്‍ച്ചകൾക്ക് വഴി തുറന്നിരിക്കുകയാണ്. വിഷയത്തിൽ കൂടുതൽ അന്വേഷണം ഉണ്ടാകുമോയെന്നതും എല്ലാവരും ശ്രദ്ധിക്കുന്ന കാര്യമാണ്.